ora ana crirane wong bisa pinter
tanpa sregep sinau kanthi bener
jalaran gegayuhan ora bisa kauber
yen sinaune tansah mbeler
kalah rikat ambi laler
sing arep digepyok sada saeler
sinau ngono wis dadi kewajibane bocah sekolah
kudu sregep yen pengin tansah munggah
sinau ora usah ngenteni diprintah
jalaran golek kapinteran ancen susah
aja mung tumindak nggedabyah
amrih masa depan bisa endah
sinau ora saderma maca lan nulis
apalan lan itung itungan ya kudu wasis
yen durung bisa ora usah nangis
becik mbaleni tanpa uwis
sregep sinau minangka dalan
amrih mbesok bisa nemu kabegjan
aja isin takon yen durung bisa
supaya biji ulangan ora gawe gela
Swara Sastra Jawa, 2025
Heru Patria, novelis saka kutha Blitar sing uga seneng nulis cerpen lan puisi. Saliyane nulis nganggo basa Indonesia, dheweke uga nulis karya basa Jawa. Karya basa Jawa anggitane arupa gurit, wacan bocah, crita cekak, crita musteri wis kapacak ana ing Majalah Jayabaya, Panjebar Semangat, Djaka Lodang, Koran Solopos, jelata. co, Luteranesia.com, lan Suara Merdeka. Ing Blitar dheweke uga mandegani paguyuban Swara Sastra Jawa.
Yen pengin tetepungan ambi penulis kang nampa Anugerah Sutasoma 2024 iki bisa lumantar FB. Heru Patria IG. @heru.patria.54 X. @HERUPATRIA3 email. herupatria9@gmail.com, utawa WA. 08157465016
0 Komentar
Lingkar literasi, sastra, dan seni budaya Asia Tenggara serumpun Bahasa.