Geguritan | Anas Yusuf

TEMPE, HECI, LAN TAHU ISI

(Cerita cekak kanggo Kanjenge)

tempe, heci, lan tahu isi

omben-ombene samangkok cendhol dhawet

ungkep hawa kang lagi ngekep dina selasa iki

andadekna badan sakujur adus kringet

syukur alhamdulillah...

warung pinggir dalan iki

kena nggo sedhela ngiyup

sinambi ngudhari benang kang lagi ruwet

tempe, heci, lan tahu isi

omben-ombene samangkok cendhol dhawet

saka warung pinggir dalan iki 

dak enteni esemmu sing kaling-kalingan kaca swalayan indomart

Anas Yusuf

7 Februari 2022