SETYA
Shanti Rochmatin
Ora selawase godhong bakal setya marang pang
Nanging bakal kumleyang tumiba
Banjur nggegana tumiyup angin
Ninggal tapak edhum kang endah kapiarsi
Ora selawase putih bakal ngebaki mega
Nanging peteng lan klawu dadi mustaka ing dhuwur kana
Ngedhunke tirta wening bebarengan ruminthike grimis
Ora selawase aku ngancani ing kene
Nanging aku bakal tuna rungu marang tetembungan apuramu
Aku bakal bisu marang atur panuwunmu
Amarga tatu
Nanging aku ora wuta marang apus apusmu
Yen bagaskara bisa musna saka parak isuk
Yen dhung ndhung kluwung bisa ndelik ing derese udan
Banjur pangrasa iki uga bisa lunga adoh saka atimu
Magetan, 07032022
Shanti Rochmatin lahir di Magetan 15 Januari 1985. Memiliki perhatian besar terhadap kelestarian budaya dan sastra Jawa. Berdomisili di Desa Sidomulyo Kecamatan Sidorejo Kabupaten Magetan. Bisa mengunjungi akun FB Prameswari Iswara atau di IG @puspamawar_merah
